Македонскиот центар за меѓународна соработка (МЦМС) за прв пат го спроведе проектот „Огледало на Владата“ во Македонија во 2012 г. Проектот беше поддржан од Инструментот за човековите права и демократијата (ЕИДХР), финансиран од Европската Унија и спроведен во партнерство со Словенскиот центар на невладини организации (ЦНВОС) и Балканската мрежа за развој на граѓанското општество (БЦСДН).

Словенскиот центар на невладини организации (ЦНВОС) ја поседува методологијата за процена на отвореноста на владините институции кон граѓанското општество и нивна вклученост во креирање политики и донесување закони која се спроведува во Словенија од 2002 г. ЦНВОС преку споделување на искуства од Словенија, овозможи и примена на овој сеопфатен модел во Македонија.

Од јули 2013 г. проектот „Огледало на Владата“ се спроведува во рамките на Програмата на УСАИД за антикорупција спроведувана од МЦМС, во партнерство со Институтот за демократија „Социетас цивилис“ (ИДСЦС), Транспарентност Македонија и Асоцијацијата за демократски иницијативи (АДИ).

Од ноември 2017 г. МЦМС повторно започна со спроведување на проектот „Огледало на Владата“ со сопствени финансиски средства.